Varða, hugveita um þjóðaröryggi, hefur hafið útgáfu á fyrsta tímaritinu á Íslandi sem fjallar um þjóðaröryggi og alþjóðamál.

Fyrsta tölublaði gestaritstýrir Þórdís Kolbrún Reykfjörð Gylfadóttir, en meðal greinarhöfunda eru Þorgerður Katrín Gunnarsdóttir utanríkisráðherra, Björn Bjarnason, fyrrum dómsmálaráðherra, Jenny Hill sendiherra Kanada á Íslandi, Birna Þórarinsdóttir, framkvæmdastjóri UNICEF og Garðar Forberg, liðsforingi og fyrrum fulltrúi Íslands í hermálanefnd Nato.

„Tíma­rit Vörðu er gef­ið út í því skyni að skapa vett­vang fyr­ir upp­lýsta og mál­efna lega um­ræðu um þjóðarör­yggi á Ís­landi. Þetta er lík­lega fyrsta við­leitni til út­gáfu á tíma­riti hér­lend­is sem ein­blín­ir á þessi mál­efni, og eft­ir því sem næst verð­ur kom­ist, hið fyrsta sem fjall­ar al­far­ið um al­þjóða­mál,“ segir í inngangsorðum útgáfunnar, sem Kristinn Árni Lár Hróbjartsson, meðstofnandi Vörðu og ritstjóri, og gestaritstjórinn Þórdís Kolbrún Reykfjörð Gylfadóttir rita.

„Út­gáfa prent­aðra blaða og tíma­rita er á miklu und­an­haldi um þess­ar mund­ir. Hví þá að hefja slíka út­gáfu eins og hér er kynnt til sög­unn­ar? Svar okk­ar er að þrátt fyr­ir mikla kosti ann­ars kon­ar miðl­un­ar þá hafi prentút­gáfa á vönd­uð­um pistl­um, grein­um og rit­gerð­um mikla sér­stöðu og kosti sem ekki verð­ur við jafn­að með öðr­um leið­um. Við telj­um að vel ígrund­uð hugs­un um flók­in við­fangs­efni þarfn­ist þeirr­ar yf­ir­legu og vand­virkni sem best er kom­ið á fram­færi í rit­uðu máli.

Með út­gáfu sem þess­ari er gerð til­raun til að hægja ögn á hraða skoð­ana­skipta í því skyni að koma dýpri og yf­ir­grips­meiri þekk­ingu á fram­færi og leyfa um­ræð­unni þannig að þrosk­ast bet­ur held­ur en með snögg­soðn­um yf­ir­lýs­ing­um og yf­ir­borðs kennd­um átök­um á sam­fé­lags­miðl­um þar sem reikni­rit stjórna takti um­ræð­unn­ar.

Tíma­setn­ing­in skipt­ir máli. Frá því að Ís­land varð lýð­veldi hafa þjóðarör­ygg­is­mál ver­ið nán­ast ósýni­leg í op­in­berri um­ræðu fyr­ir utan átök­in um að­ild okk­ar að Atlants­hafs­banda­lag­inu. Þessi þögn um þjóðarör­ygg­is­mál hef­ur þó ekki staf­að af sinnu­leysi, held­ur af þeirri þægi­legu stað­reynd að á lýð­veld­is­tím­an­um öll­um hef­ur ríkt sátt og stöð­ug­leiki kring­um þá full­vissu að eng­in raun­veru­leg ut­an­að­kom­andi ógn gæti steðj­að að Ís­landi. Við höf­um lif­að tíma þar sem frjáls­lynd lýð­ræð­is­ríki Vest­ur­landa hafa ver­ið bund­ið fast­mæl­um um að standa sam­an um að vernda hvert ann­að á grund­velli virð­ing­ar fyr­ir stofn­sátt­mála Sam­ein­uðu þjóð­anna.“

Tímaritið er gefið út á prenti en einnig má nálgast greinarnar á https://timarit.varda.org.

Þeir sem vilja nálgast prentútgáfu fyrir sig eða sinn vinnustað, eða hafa áhuga á að skrifa grein í næstu útgáfu, er bent á netfangið timarit@varda.org