Dr. Greg Falco

Prof. Gregory Falco er gestaprófessor við Háskólann á Bifröst, þar sem hann kemur að þróun námskrár í öryggisfræðum og almannavörnum. Hann er einnig lektor í geimverkfræði við Cornell-háskóla og stýrir þar Aerospace ADVERSARY-rannsóknarstofunni. Rannsóknarstofan þróar sjálfstýrð kerfi fyrir dróna og geiminnviði, með áherslu á öryggi og áreiðanleika. Falco er jafnframt tengiliður NATO í HEIST-verkefni Vísinda- og öryggisáætlunar NATO, sem miðar að því að tryggja fjarskipti með því að beina þeim um gervihnetti ef sæstrengir rofna. Hann hefur hlotið Fulbright-NSF-styrk, verið valinn á Forbes 30 Under 30-listann og fengið rannsóknarverðlaun frá DARPA og bandaríska flughernum. Hann starfaði áður við Johns Hopkins-háskóla og sem gestarannsakandi hjá Jet Propulsion Laboratory NASA. Hann hefur lokið námi við MIT, Columbia-háskóla og Cornell-háskóla og dvelur til skiptis í Reykjavík og New York.